პროექტის შესახებ
ხაშურის მუნიციპალიტეტში, E60 ავტომაგისტრალის ზემო ოსიაური-ჩუმათელეთი კმ7-კმ14 მონაკვეთის მშენებლობა (ლოტი 2) 2021 წლიდან მიმდინარეობს და დასრულება 2024 წელს იგეგმება. ჯამში აშენდება 6.4 კმ გზა. პროექტი მოიცავს 11 ხიდსა და 5 გვირაბს.
აღნიშნული მონაკვეთი უკვე ექსპლუატაციაში შესული ხაშურის შემოვლითი 13 კმ-იანი გზის გაგრძელებაა. ხაშურის შემოვლითმა გზამ მნიშვნელოვნად განტვირთა ქალაქი საცობებისგან. ტრანზიტული მოძრაობა კი, სრულადაა გადატანილი ახალ გზაზე. აღნიშნული გზის გახსნის შედეგად, მგზავრობის დრო 40-50%-ით შემცირდა.
ზემო ოსიაური-ჩუმათელეთის მეორე მონაკვეთის გახსნის შემდეგ, მგზავრები ჩრდილოეთიდან გვერდს აუვლიან სურამსა და ჩუმათელეთს და გამოვლენ რიკოთის გვირაბთან.
