პროექტის შესახებ
ქვეშეთი-კობის გზის პროექტის ფარგლებში დაგეგმილია 12.7 კმ სიგრძის, ორზოლიანი ასფალტ-ბეტონის გზის, 5 ხიდისა და 4 გვირაბის მშენებლობა, ასევე, 1 ხიდის რეაბილიტაცია. გვირაბების ზომებია (1541 მ, 194 მ, 388 მ და 299 მ).
ხიდების ჯამური სიგრძე 1.6 კმ-ია. მათგან ერთი 426 მ სიგრძისა და 166 მ სიმაღლის თაღოვანი ხიდი იქნება, რომელიც ურთულესი საინჟინრო კონსტრუქციაა. მისი თაღის სიგრძე 285 მეტრია და, ამ ეტაპზე, საქართველოში ანალოგი არ გააჩნია. პროექტით, ასევე, გათვალისწინებულია 435 მ სიგრძის და შედარებით მცირე (322 მ, 218 მ, 148 მ და 42 მ) ხიდების მშენებლობაც.
მთავარი გზის ინფრასტრუქტურის კომპონენტების გარდა, პროექტის ფარგლებში შეიქმნება ვიზიტორთა ცენტრი. ეს ობიექტი საპროექტო ზონაში აგრობიზნესის, კონსერვაციის, ეკოტურიზმის განვითარების და თემის მდგრადი განვითარების პოტენციური ცენტრის როლს შეასრულებს. ვიზიტორების ცენტრი წარმოადგენს პროექტის კომპონენტს, რომლის მეშვეობით, ხადის ხეობის მოსახლეობა მიიღებს პირდაპირ სარგებელს პროექტიდან.
ქვეშეთი-კობის გვირაბის მშენებლობა 2020 წელს დაიწყო და 2025 წელს დასრულდება.
