აღმოსავლეთ-დასავლეთის საერთაშორისო მაგისტრალი (E60-E70) ერთმანეთს საქართველოს სხვადასხვა რეგიონს აკავშირებს. გარდა ამისა, ეს მონაკვეთი წარმოადგენს საკვანძო დერეფანს საერთაშორისო ვაჭრობისთვის, ევროპასა და აზიას შორის. გზატკეცილი მნიშვნელოვან როლს თამაშობს ტურიზმის მიმართულებითაც, რადგან საგრძნობლად ამცირებს გადაადგილების დროს და მაქსიმალურად კომფორტულს ხდის მგზავრობის პროცესს.
ამ ეტაპზე, აღნიშნულ მაგისტრალზე მიმდინარეობს 8 პროექტის სამშენებლო სამუშაოები. მათ შორის ერთ-ერთია ე.წ. საუკუნის პროექტი, რიკოთის საუღელტეხილო მონაკვეთი (ჩუმათელეთი-არგვეთა). ჯამში, რვავე მონაკვეთის სამშენებლო სამუშაოებზე 3 192 ადამიანია დასაქმებული, მათგან 1 988 საქართველოს მოქალაქეა, 1 204 კი – უცხოელი.
თითოეული პროექტის მშენებლობა დაფინანსებულია საერთაშორისო დონორი ორგანიზაციების, ან საქართველოს მთავრობის მიერ. თითოეული პროექტის დამტკიცებამდე, საერთაშორისო კვლევითი და საექსპერტო კომპანიების მიერ ჩატარდა შესაბამისი კვლევები, მშენებლობის პროცესში კი ხორციელდება პროცესის რეგულარული მონიტორინგი, საერთაშორისო საზედამხედველო ორგანიზაციების მიერ.
კმ7-კმ14 მონაკვეთის მშენებლობა (ლოტი 2)
ჩუმათელეთი-ხევის მონაკვეთის მშენებლობა (F1)
შორაპანი-არგვეთას მონაკვეთი F4
მონაკვეთის დარჩენილი სამუშაოების მშენებლობა
სამტრედია-გრიგოლეთიკმ30-კმ42 (ლოტი 3) მონაკვეთის მშენებლობა
გრიგოლეთი-ქობულეთი შემოვლითი გზის მშენებლობა კმ0-კმ14
ბათუმის შემოვლითი გზის კმ1-კმ13 მშენებლობა
ფოთის ხიდისა და მისასვლელი გზების მშენებლობა
